სატელიტური ინტერნეტი

გლობალ ერთის სატელიტური ინტერნეტ სერვისები

სერვისის აღწერილობა

ყველგან, სადაც ვერ აღწევს საკაბელო ინფრასტრუქტურა და ლიცენზირებული რადიო სარელეო სიხშირეები, ან მისი დაფარვა არასათანადოა, გვაქვს შესაძლებლობა შემოგთავაზოთ სატელიტური ინტერნეტი და მასთან დაკავშირებული სხვა დამატებითი სატელეკომუნიკაციო სერვისები: (IP ტელეფონია, CCTV, VPN და ა.შ.)

დაფარვა

სატელიტური სერვისების მიწოდება შესაძლებელია საქართველოს ტერიტორიის ნებისმიერ წერტილში. (საჭიროებს დენის წყაროს, მუშაობს მზის ენერგიაზეც).

ორგანიზება

თანამგზავრული ინტერნეტის ორგანიზებისათვის საჭირო აპარატურის ერთჯერადი ღირებულება დამოკიდებულია ადგილმდებარეობაზე, ვინაიდან სხვადასხვა ადგილზე სერვისის მისაღებად საჭიროა სხვადასხვა ზომის თეფშისა და სხვადასხვა სიმძლავრის მიმღები მოწყობილობის გამოყენება.

აღმოსავლეთ საქართველოს და დასავლეთ საქართველოს დაბლობ რეგიონებში: სიგნალის მისაღბად საჭიროა 74სმ დიამეტრის მქონე თეფში და 1w-სიმძლავრის ტრანსივერი
ხოლო დასავლეთ საქ-ოს მაღალმთიან რეგიონებში – 98სმ ანტენა და 2w-სიმძლავრის ტრანსივერი.

თუმცა აღსანიშნავია, რომ ზემოაღნიშნული მოცემულობა არის ზოგადი და საჭიროებს ინდივიდუალურ გადამოწმებას ადგილის ზუსტი კოორდინატების მიხედვით.

სატელიტური ინტერნეტ პაკეტები

ყოლველთვიური ღირებულება განისაზღვრება გიგაბაიტების მოცულობების – პაკეტების მიხედვით.

სატელიტური ინტერნეტ პაკეტები დაყოფილია სამომხმარებლო და ბიზნეს პრო პაკეტებად (შესაძლებელია სტატიკური IP-ს ორგანიზება **);

სამომხმარებლო პაკეტები – 5 გბ-დან/თვეში*
ბიზნეს პაკეტები – 50 გბ-დან/თვეში**

მომხმარებელი თავიდანვე ირჩევს შესაბამის პაკეტს გიგაბაიტების/სერვისის ტიპის ინდივიდუალური საჭიროებისა და შესაძლებლობის შესაბამისად.

გიგაბაიტების ვადამდე ამოწურვის შემთხვევაში სერვისი არ ითიშება, არამედ გადადის 64კბტ/წმ- სიჩქარეზე 30დღიანი ვადის ამოწურვამდე.
დამატებითი გიგაბაიტების შეძენა შესაძლებელია მოთხოვნის შემთხვევაში
საანგარიშო თვე და შესაბამისი გიგაბაიტების დარიცხვა/ათვლა ხორციელდება სერვისის ინსტალაციის დღიდან 30დღის განმავლობაში და აღნიშნული თარიღი არ ექვემდებარება ცვლილებას.

სტატიკური IP მისამართი

** ბიზნეს პრო პაკეტებში შესაძლებელია სტატიკური IP მისამართის ორგანიზება.

სტატიკური მისამართის მეშვეობით შესაძლებელია დამატებითი ინტერნეტ-სერვისების უზრუნველყოფა (IP ტელეფონია, CCTV, VPN და ა.შ.).

სატელიტური ინტერნეტის ორგანიზების ფასები

სატელიტური ინტერნეტის ერთჯერადი ღირებულება- აპარატურის მიწოდება/მონტაჟი

74სმ დიამეტრის ანტენა + 1ვ ტრანსივერი

3 000ლარი

98სმ დიამეტრის ანტენა + 2ვ ტრანსივერი

4 100ლარი

სატელიტური ინტერნეტის ყოველთვიური ტარიფები

პაკეტის დასახელება	ჩამოტვირთვის/ატვირთვის სიჩქარე (მბიტ/წ)	30 დღის განმავლობაში უფასო GB რაოდენობა **	ყოველთვიური გადასახადი	დამატებითი GB ღირებულება
სამომხმარებლო 5	15/2	5	GEL 80	GEL 25
სამომხმარებლო 10	15/2	10	GEL 120	GEL 25
სამომხმარებლო 25	15/2	25	GEL 250	GEL 25
ბიზნეს პრო 50 *	25/6	50	GEL 470	GEL 25
ბიზნეს პრო 100 *	25/6	100	GEL 690	GEL 25
ბიზნეს პრო 200 *	25/6	200	GEL 1 100	GEL 25
ბიზნეს პრო 300 *	25/6	300	GEL 1 300	GEL 25

* “ბიზნეს პრო” პაკეტებში შესაძლებელია 1 პერსონალური IP მისამართის (/30) გამოყოფა თვეში 29 ლარად.

სატელიტური ინტერნეტის გამოყენების რეკომენდაციები

ინტერნეტის მომხმარებელი კომპიუტერების/მოწყობილობების რაოდენობა და გიგაბაიტების მოხმარება დამოკიდებულია ინფორმაციის ტიპზე, ერთდროულად მომუშავე კომპიუტერების საშუალო რაოდენობასა და გამოყენებულ პროგრამულ უზრუნველყოფაზე. ამიტომ, მომხმარებელმა უნდა აირჩიოს შესაბამისი პაკეტის ტიპი (სამომხმარებლო ან ბიზნეს პაკეტი) და შესაბამისი გიგაბაიტების მოცულობა, რომელიც დააკმაყოფილებს მისთვის საჭირო ინტერნეტ მოცულობის მოთხოვნას. ასევე, საუკეთესო შედეგის მისაღებად გირჩევთ გაითვალისწინოთ ჩვენი რეკომენდაციები:

ერთი სატელიტური ნაკრებით ინტერნეტში ერთდროულად მომუშავე მოწყობილობების რაოდენობა არ აღემატებოდეს 5ერთეულს.
1 თეფში არ იქნეს გამოყენებული ქსელზე, სადაც ინტერნეტით მოსარგებლე მოწყობილობების რაოდენობა აღემატება 10- ერთეულს.
იმისათვის, რომ მოთხოვნების შესაბამისად წინასწარ შერჩეული პაკეტმა დააკმაყოფილოს მომხმარებლის მოთხოვნა, აუცილებელია სატელიტური რესურსის მიზნობრივი* გამოყენება: მხოლოდ იმ საქმისთვის, რისთვისაც ის იქნა ორგანიზებული.
რეკომენდირებულია მომხმარებელმა წინასწარ შეარჩიოს ინსტალაციის დღე საჭიროებიდან გამომდინარე, ვინაიდან შერჩეული პაკეტის მიხედვით გიგაბაიტების ათვლა (საანგარიშო თვე) დაიწყება ინსტალაციის დღიდან და თარიღის შეცვლა შეუძლებელი იქნება.

* სატელიტური რესურსის მიზნობრივი გამოყენება გულისხმობს სხვადასხვა სოციალური თუ გასართობი ქსელების, ვიდეოებისა და ფილმების საყურებლად სისტემების რესურსებზე წვდომის შეზღუდვას მომხმარებლის სურვილის შემთხვევაში, ასევე მობილურებიდან პროგრამული განახლებებისა და ახალი პროგრამების ჩამოტვირთვის შეზღუდვებს, რათა აღიკვეთოს თანამშრომლების/ოჯახის წევრების მხრიდან ინტერნეტ რესურსის გაუფრთხილებელი მოხმარება, რამაც შესაძლოა გამოიწვიოს სატელიტური ინტერნეტ პაკეტის გიგაბაიტების სრული ან ნაწილობრივი ამოწურვა უდროოდ, რითაც ხელს შეუშლის მის მიზნობრივ გამოყენებას, შედეგად მომხმარებელისათვის ინტერნეტ მოცულობა იქნება ამოწურული, და არც შესაბამისი სიჩქარე იქნება ხელმისაწვდომი მომდევნო საანგარიშო თვის დაწყებამდე.